Tımak urıp jığu
Gözübağlı papaq yıxma.
Haqqında
Tımak urıp jığu daha çox qazaxların və qırğızların oynadığı atlı oyundur. Atlının gözünü dəsmalla bağlayır, yerində bir neçə dəfə dolandırır, sonra buraxırlar: o, dirəyin başındakı papağı tapıb qamçı ilə vurub yerə salmalıdır.
Bunu bacaran qalib sayılır. Füzuli Bayat bu oyunu Azərbaycandakı «Papaq oyunu»nun Orta Asiya variantı adlandırır; oyunun atsız növləri də olub.
Y. Qayraxanın təsvirinə görə, yerə oyunçunun boyundan hündür olmayan dirək sancılır və başına tımak — qulaqlı papaq geydirilir. Oyunçu papağın harada olduğuna baxandan sonra gözü bağlanır. Hər oyunçuya üç cəhd verilir; üçündə də vura bilməyən öz hünərini göstərməklə — mahnı oxumaqla, şeir deməklə — daha üç cəhd qazana bilər.
Xalqlar
Araşdırma: Vasif Namazov, Turan Oyunları Konsepsiyası